Covid-19 darh zel tur ven nan zan curfew a ni - Home Minister

Home minister Lal­chamliana chuan Assembly session neih zawh tâkah INC member C Ngunlianchunga zawh­na ziaka chhángin, zana curfew kalpui reng chhan chu Covid-19 darh zel tur vênna atan a nih thu a tarlang. 

C Ngunlianchunga chuan, district khawpuiah zan lama curfew kalpui reng a nih chhan a zawhna chhangin Home Minister chuan, "Zan dar 8:30 leh zing dar 4:30 inkar curfew hi kalpui reng a la nih chhan ber chu Covid-19 darh zel tur vênna atan a ni," a ti.

Home Minister chuan, zana curfew-in a tum ber chu, loh theih loha mipui náwlpui eibàr zawnga an chhuakvâk leh chiseh lama páwna an chhuak bak chu mipui chhuakvak tihtlem a, hripui darh zel tur ven nan a nih thu a tarlang bawk.