Epidemiological Centre hawn a ni
Animal Husbandry & Veterinary minister Dr K Beichhua chuan nimin khan Aizawla AH&Vety Complex-ah Epidemiological Centre a hawng.
Dr K Beichhua chuan, ran hriselna (animal health) venhim te, rante hahdam taka an khawsak theihna tur ngaihtuah leh hriselna atana him, chaw/sa thar chhuahte chu AH&Vety department hnathawh pawimawh berte zinga mi a nih thu a sawi.
Dr K Beichhua chuan, ran hriselna (animal health) venhim te, rante hahdam taka an khawsak theihna tur ngaihtuah leh hriselna atana him, chaw/sa thar chhuahte chu AH&Vety department hnathawh pawimawh berte zinga mi a nih thu a sawi.
AH&Vety Minister chuan, ran hriselna leh mihring hriselna chu thil hrang daih anga kalpui loin, one health approach hnuaiah a kal khawm thu a sawi a, "Mihring natna tam zawk hi ran leh mihringin an kai chhawn theih (zoonotic) a ni a, ran hriselna hian thui tak mihring hriselna a nghawng thei a ni," a ti.
Epidemiological Centre chu ran hriselna lam chauha hmalakna tur a nih loh thu sawiin K Beichhua chuan, "Ran leh mihringin an kài chhàwn theih natna pawimawh tak tak endikna tur hmun a ni a, a pawimawh tak meuh a ni," a ti a; ran natna chi hrang hrang lan ṭhin dan te, natna darh dan leh invenna thlengin Centre-in hma a la dawn tih a sawi.
Epidemiological Centre hi March 11, 2016-ah Rural Infrastructure department Fund (RIDF)-XXI hnuaiah thawh ṭan a ni a, RIDF aṭangin cheng nuai 304.95 leh state sorkar aṭangin cheng nuai 16.05, a vaiin nuai 321 hmanga sak zawh a ni. Laboratory bungrua chi hrang hrang lei a ni bawk.