MPF hruaitute'n PC hotute an kâwm

Mizoram People Forum (MPF) hruaitute chu nimin khan PC party pisaah an léng a, PC hotute nen Serchhip biala Assembly by-election awm turah inthlanna dik leh felfai a awm theih dan tur an sawiho.

PC party pisaa leng MPF hruai­tute hi general secretary Rev. R Lalnuntluanga leh treasurer Vanlal­thanga te an ni a; PC hotute'n an senior vice president Vanlalruata hoin an lo dawngsawng.

MPF hruaitute chuan, Election Commission of India leh State Election Commission phal zat aia tam inthlan senso atan hman loh an duh thu te, insensona tam lutuk chu candidate-te tan a ṭhat loh thu te, flag tàr tam lutuk ṭha lo an tih thu te, zalên taka inthlan leh venhimna chungchangah theihtawp chhuah a ṭul thu te, policy ṭha neih a ṭul thute an sawi.

PC Senior Vice President chuan, inthlanna thianghlim, dik leh felfai a awm theihna tura MPF hmalakna fakawm an tih thu a sawi a; MPF hmalakna chu PC party-in an thlâwp tlat thu leh inthlan awm leh zel turah pawh MPF duh dan zawm zel an tum thute a sawi bawk.