Hmun pahnihah heroin man

Excise & Narcotics depart­ment chuan nimin khan hmun pahnihah heroin gram 503 (hawng 42) an man. Heroin man neitute lakah The Narcotic Drugs & Psychotropic Substances Act, 1985 tlawhchhanin thubuai ziah luh a nih thu an tarlang.

END tarlan danin, END Anti-Narcotics Squad-te'n nimin chawhma dar 11:15 khan Champhai Zote leh Ngúr inkar kawngpuiah heroin gram 461 (hawng 39) leh a neitua puh mi pahnih - Zalianthang (24) s/o Zawlkapa, Champhai Bethel Veng leh Pausawmmuang (26) s/o Ginkhanlian, Champhai Vengthar nia insawite an man.

Nimin chhun dar 12:30 leh chawhnu dar 3:30 khan Chal­tlang Lily Veng leh Dawrpui Veng­tharah heroin gram 42 (hawng 4) leh a neitua puh Lalrinsiama (32) s/o Zothanhranga, Tahan Group ‘F’, Myanmar nia inchhál an man bawk.