MNYF-in lawmthu an sawi

MNF ṭhalaite chuan thuchhuah siamin, Mizoram budget session 2021-22 chu tluang taka zawh a ni chu lawmawm an tih thu an tarlang a, "Session neih zawh taka ram roreltu MLA zawng zawngte inpekna leh theihtawp an chhuahnaah lawmthu kan sawi a, duhsakna kan hlàn a ni," an ti.

MNYF chuan Chief Minister chungchangah, "SEDP kalpui dan turah hmathlir fel tak mipuite'n kan hlawh­tlinpui theih ngei nana ruahmanna fel tak an nei hi ropui kan ti. Myan­mar tualchhung buaina avanga mipui mangang ráltlânte thlavang huaisen taka a hauhsak hi ropui kan ti em em a ni," an ti bawk.