Kawlphetha chungchang sawiho

Joint Electric Regulatory Commission (JERC) for Manipur and Mizoram atana State Advisory Committee (SAC) for Mizoram chu nimin khan an chairman Lalchharliana Pachuau hoin Aijal Club-ah an ṭhu a; February 27, 2020-a SAC meeting thurel bawhzui dan leh hmalakna turte an sawiho.

SAC meeting chuan, kum 2021-22 chhunga electric hman man (rate) tur chu mipui tana rit lo thei ang bera kalpui ni se, an ti a; electric bothlau zawng chhuak tura din Vigilance Committee chu chak zawka kalpui ni se, an ti bawk.

Kawlphetha pawh rûk leh bothlau zawn chhuahna tura hmalakna tur te, power sem darhna (distribution transformer)-a meter vuah leh meter endik chung­changte an sawiho bawk.

JERC ruahmanna angin, vawiin chawhma dar 11 aṭangin Aijal Club-ah kawlphetha hman man chungchanga harsatna neite tan Public Hearing on Petition of Power & Electricity department neih a ni ang.