KHAWTHLIR
Good Friday-ah sakramen
Kumina Good Friday (April 2) laia sakramen ṭheh chungchangah March 18, Ningani khan Covid-19 Medical Operational Team leh Mizoram Kohhran Hruaitute Committee hruaitute chu Synod Office Committee Room-ah an inráwn khawm a; Good Friday vuakvêtah sakramen ṭheh a theih dawn. He hunah hian Good Friday vuakvêtah, Covid-19 laka him theih nan kohhran mipuite'n fimkhur thei ang ber leh him thei ang ber tura sakramen buatsaih ni se, an ti. Thingpui inho leh ruaiṭheh erawh chu tih loh hram an duh thu Covid-19 MOT aiawhte chuan an sawi a ni.
Kumina Good Friday (April 2) laia sakramen ṭheh chungchangah March 18, Ningani khan Covid-19 Medical Operational Team leh Mizoram Kohhran Hruaitute Committee hruaitute chu Synod Office Committee Room-ah an inráwn khawm a; Good Friday vuakvêtah sakramen ṭheh a theih dawn. He hunah hian Good Friday vuakvêtah, Covid-19 laka him theih nan kohhran mipuite'n fimkhur thei ang ber leh him thei ang ber tura sakramen buatsaih ni se, an ti. Thingpui inho leh ruaiṭheh erawh chu tih loh hram an duh thu Covid-19 MOT aiawhte chuan an sawi a ni.
Thisen pe
UPC ṭhalaite'n nimin khan Lunglei Civil Hospital tan mi 74-in thisen an pe. PYD (UPC NEI) Ṭawipui bialte'n Ṭawipui North-ah thisen unit 35 an pe a; JB College NSS unit-te'n unit 23 leh Lunglei khawpuia PYD (Mizoram)-te'n unit 16 an pe bawk.
UPC ṭhalaite'n nimin khan Lunglei Civil Hospital tan mi 74-in thisen an pe. PYD (UPC NEI) Ṭawipui bialte'n Ṭawipui North-ah thisen unit 35 an pe a; JB College NSS unit-te'n unit 23 leh Lunglei khawpuia PYD (Mizoram)-te'n unit 16 an pe bawk.
Ramria duty endik
Mualvuma awm 1st IR battalion commandant MS Dawngkima hmalaknain March 18, Ningani khan Zophai Border Outpost-a IR duty-te hriselna endik a ni. He hunah hian 1st IR-a medical officer Dr Zairemmawii leh thawktu dangte'n ramri hnaiha police duty-te hriselna dinhmun an enfiah a; an mamawh ang damdawi an pe nghal.
Mualvuma awm 1st IR battalion commandant MS Dawngkima hmalaknain March 18, Ningani khan Zophai Border Outpost-a IR duty-te hriselna endik a ni. He hunah hian 1st IR-a medical officer Dr Zairemmawii leh thawktu dangte'n ramri hnaiha police duty-te hriselna dinhmun an enfiah a; an mamawh ang damdawi an pe nghal.
Elder Line hawng
Sorkar laipuiin state tina kum lama upa, a bikin kum 60 chung lamte'n harsatna an neihahte phone hmanga ṭanpuina an dawn theihna tura a din, National Helpline for Senior Citizens (Elder Line) chu nimin khan Social Welfare minister Dr K Beichhua'n a hawng. Dr K Beichhua chuan Elder Line pawimawhna sawiin, "He Elder Helpline kan hawng hi Mizo mipuite tan tisa leh thlarau a ṭang rualin upate hi i duat rawn ang u tihna a ni," a ti. Elder Line phone no. 14567-ah phone-in upate tana hamṭhatna scheme hrang hrang, chhungte’n dik lo taka an enkawlnate leh hriselna lam leh thil dangte zawh theih a ni.
Sorkar laipuiin state tina kum lama upa, a bikin kum 60 chung lamte'n harsatna an neihahte phone hmanga ṭanpuina an dawn theihna tura a din, National Helpline for Senior Citizens (Elder Line) chu nimin khan Social Welfare minister Dr K Beichhua'n a hawng. Dr K Beichhua chuan Elder Line pawimawhna sawiin, "He Elder Helpline kan hawng hi Mizo mipuite tan tisa leh thlarau a ṭang rualin upate hi i duat rawn ang u tihna a ni," a ti. Elder Line phone no. 14567-ah phone-in upate tana hamṭhatna scheme hrang hrang, chhungte’n dik lo taka an enkawlnate leh hriselna lam leh thil dangte zawh theih a ni.