Thianghlim taka kan inthlan theih chuan ZPM kan chak ang - ZPM Vice President

ZPM vice president K Sapdanga chuan, Serchhip biala Assembly by-election awm turah thianghlim taka inthlan theih a nih chuan ZPM an chak tur thu a sawi.

Nimina ZPM hruaitute leh ZPM Champhai Block hruaitute an inkawmnaah thu sawiin K Sapdanga chuan, "Serchhip by-election hi mimala inbeih­na ni loin, party inbeihna a ni a, party tinte dinhmun bûkna tur a ni. Thianghlim taka inthlan ni se ZPM chuan kan duh a, therhlo leh vote lei tuma pawisa semte a awm lohna turin a vên hna theihtawpin kan thawk dawn a ni," a ti.

ZPM Vice President chuan, an duh ang ngeia inthlanna thianghlim tak a awm a nih chuan ZPM-in hnehna sang taka an chan ngei tur thu a sawi a ni.

Meeting-ah hian Cham­phai district-a ZPM dinhmun hrang hrang sawiho a ni a, ṭan lak a ngaihna lai leh hmalak zel dan turte thlirho a ni. Kum 2023-a ZPM-in Champhai district-a Assembly constituency awmah hnehna an chan theihna tura hmalak dan tur an zirho nghal bawk.