COVID-19: Mizoram dinhmun Hri kai thar leh chhuahtir awm lo

Mizoramah March 18, Ningania swab sample 686 endik zingah Covid-19 vei an awm lo a; nimin khan hripui laka fihlim tawh chhuahtir an awm lo bawk.

Nilaini khan labora­tory-ah swab sample 44, TrueNAT-PCR hmangin Hnahthial district-ah sample pakhat leh RAT hmangin district pariatah sample 641 endik a ni.

March 17, 2021 thlenga Mizorama swab sample endik tawh zat chu 2,45,180 a ni a, chu'ng aṭanga Covid-19 positive hmuh tawh zat 4,445 chu 1.81% a ni. Hripui vei hmuh tawh zinga mi 2,123 chu Mizoram chhunga kái chhâwng an ni a, mi 2,322 chu Mizoram páwn aṭanga an rawn luh hnua hmuh chhuah an ni thung.

Mizoramah Covid-19 vei mi 4,445 hmuh chhuah a ni tawh a, mipa 3,241 leh hmeichhia 1,204 an ni. Nimin tlai dar 5 thleng khan mi 4,421 (99.46%) chhuahtir an ni tawh a, mi 11 (0.25%) thi tawhin, enkawl mek mi 13 (0.29%) an awm.