World Forestry Day puala thlalaka inelna

Mizoram ENVIS Hub, Mizoram Pollution Control Board leh Mizoram School of Photography-te'n World Forestry Day 2021 leh International Day of Forests 2021 (March 21) puala Online Photography Competition an buatsaih result an tichhuak. Intihsiaknaa thupui chu ‘Mystical forests of Mizoram’ tih a ni.

Intihsiakah hian mi 59-te'n Mizoram chhung ngeia ramngaw thlalak 139 an thawh a; pakhatna chu Elohim C Lalṭhakima, Reiek niin, Rs. 10,000 a dawng ang. Pahnihna Zarzoliana, Chhinga Veng-in Rs. Rs. 7,000 leh pathumna K Lalbiakthansanga, Khawhai-in Rs. 5,000 an dawng dawn a; mi pathumin consolation prize an dawng 
bawk dawn a ni.