Women & Child Development-in Self Help Group Meet buatsaih

Women & Child Development hnuaia POSHAN Abhiyaan SPMU, DPO Aizawl leh UDPA department-te hmalaknain nimin khan Poshan Pakwada (Nutrition Fortnight) hman mek pualin AMC huam chhunga self help group (SHG)-te tan 'Self Help Group Meet' buatsaih a ni a; nu, nu nau pai, tleirawl leh naupangte tana hriat tur pawimawhte an inzirtir.

Self Help Group Meet hi Women & Child Development (WCD) deputy director (ICDS) Zoramthangi Chhangte-in a kaihruai a; WCD director Lallianpuii'n thu sawiin, hmeichhiate hamṭhatna chi hrang hrang, scheme awmte leh hmeichhiate humhimna lama scheme awmte 
a sawifiah.

Poshan Abhiyaan state nodal officer Zonun­pari'n Poshan Abhi­­yaan hmalakna hrang hrangte leh Poshan Abhiyaan vanga Mizo­ramin hmasawnna a dawnte a sawi a; Health department-a TB Cell medical officer Dr Van­zar­liana'n ngawr (tuber­culosis) chungchang a sawi a ni.

Chawhnu lamah Legal Cell member advocate Lalnunsiama'n hmeichhiate kaihhnawih dan chi hrang hrang a sawi a; AWTC principal Lalrammawii Kawilam-in tleirawl tana scheme awmte sawiin, Dr TC Hmingthangi'n thisen tlâkchhamna (anaemia) laka invên dan leh inenkawl dante a 
zirtir bawk.

Meet-ah hian Self Help Group hrang hrangaa tel mi ṭhahnem tak an tel a ni.