VC leh sorkara zirtirtu ni kawp an awm

National Students Union of India (NSUI), Mizoram State chuan, tun hnaia Mizoram sorkarin Hindi zirtirtu atana a lakte zinga pakhat chu nikum August thlaa VC inthlanah MNF party ticket-in VC member-a thlan tlin a nih thu an tarlang a, "VC member a nihna bànsan si loa Hindi teacher hna a la thawk reng hi chinfel vat kan phût," an ti.

NSUI Mizoram tarlan danin, Khanpui VC member atana MNF party ticket-a thlan tlin Lalfakawmi d/o Khawmpuiliana chu tun hnaia Mizoram sorkarin middle school-a Hindi zirtirtu tur a lâk tharah a tel a, Sesawng M/S-ah dah niin, a hnuah Khanpui M/S-ah sawn a ni.

NSUI chuan, political party behchhan neia V/C member ni chunga sorkar hnuaia zirtirtu hna a thawk chu ṭha lo an tih thu sawiin, "Dan kalh a nih avangin chinfel kan phût. Hetiang thil a thleng leh hre reng chunga hum tlattute hi kan dem tak zet a ni. Enfiaha chingfel thuai turin Mizoram sorkar kan ngen a, chinfel vat a nih loh chuan NSUI-in a ṭul angin hma kan la dawn 
a ni," an ti.