END-in zu siamna tichhia

Excise & Narcotics department (END) chuan March 18, Ningani khan Phunchawng leh a chhehvelah dan loa zu siamna hmun an dap a; hmun 10-a zu siamna 10 leh zu bilh lai ṭîn 1,140 an tichhia. Rakzu litre 825.900, zu siamnaa thawk mi pakhat leh zu siamna bungbel eng emaw zat an man bawk.

END thuchhuah chuan, zu siamna hmun an tihchhiat aṭanga zu siamte chu a thianghlim lo hle tih tarlangin, "Mihring hriselna atan a hlauhawm hle a, chuvangin, dan phal loha siam zute in lo turin mipui kan ngen a ni," a ti.

END hian March 17, 2021 khan Sabual khuaah heroin gram 19.85 (hawng 2) leh a neitu nia puh - Laldawngliana (31) s/o Rangchhunga, Muthi, tuna Mamit Bazar Venga khawsa mek nia inchhal an man.

March 18, Ningani khan Lunglei Venglaiah heroin gram 331.5 (hawng 24) leh a neitua puh - Lalengzauvi (47) d/o Rualkhuma, Lunglei Venglaia khawsa mek nia inchhál an 
man bawk.