CM-in kan unaute thlavang a hauh nasa - Lalruatkima

All Mizoram DRDA Employees’ Association chuan nimin khan PUC seminar hall-ah khawmpui an hmang a, khuallian RD minister Lalruatkima chuan chief minister Zoramthanga'n Myanmar lama kan unaute thlavang a hauh nasat thu a sawi.

Lalruatkima chuan Chief Minister-in Myanmar-a kan unaute tan a ṭul angin sorkar laipuiah pawh a thu mai ni lo, ziakin ngennate pawh a thlen tih sawiin, "March 18, 2021 khan Prime Minister hnenah pawh DO letter thawnin Myanmar harsatna avanga kan unau kan Zohnahthlakpuite humhim an nih theihna atan leh Democracy vuak chhiat mek a nih avanga manganga India (Mizoram) rawn belte tan kawng hawng tur leh a ṭul anga hma lak a nih theihna turin ngenna a thlen a ni," a ti.