AR sawn chhuak tura sorkar hmalakna
March 17, 2021-a Assembly budget session neih zawh tâkah khan Home minister Lalchamliana chuan INC member Lalrindika Ralte zawhna ziaka chhángin, Assam Rifles sawn chhuak tura kum 2018-2021 inkara sorkar hmalaknate a tarlang.
Sorkar hmalakna ṭhenkhat
→ Assam Rifles-in Mizoram sorkara draft MoU a thehluh uluk taka zir a ni a, meeting-te neiin document mamawhte lâk khawm a ni. Law department concurrence lak a nih hnuah, Mizoram sorkarin a hran hlakin draft memorandum of agreement a siam a, Assam Rifles leh Ministry of Home Affairs (MHA) hnenah December 17, 2019 khan pawmpui turin a thawn. Chhanna hmuh a nih loh avangin reminder vawi sarih thawn a ni tawh a, chhanna hmuh hma chu reminder thawn zel tum a ni.
→ Assam Rifles-in Mizoram sorkara draft MoU a thehluh uluk taka zir a ni a, meeting-te neiin document mamawhte lâk khawm a ni. Law department concurrence lak a nih hnuah, Mizoram sorkarin a hran hlakin draft memorandum of agreement a siam a, Assam Rifles leh Ministry of Home Affairs (MHA) hnenah December 17, 2019 khan pawmpui turin a thawn. Chhanna hmuh a nih loh avangin reminder vawi sarih thawn a ni tawh a, chhanna hmuh hma chu reminder thawn zel tum a ni.
→ Aizawl aṭanga AR-te an insawn chhuah theih nan meeting leh joint inspection chu Mizoram sorkar hnuaia a kaihhnawih department - Home, PWD, PHE, Power & Electricity bakah, AR hotute leh MHA contractor Engineering Project India Limited (EPIL)-te'n vawi tam tak an nei.
→ June 7, 2018-ah Principal Secretary, Home kaihhruaiin AR hotute leh line department hotute'n Zokhawsanga AR insawnna tura hna thawh mek an enfiah.
→ June 29, 2018-ah Principal Secretary, Home kaihhruaiin June 7, 2018-a joint inspection neih tawh bawhzui a ni a, hmasawn dan enfiahin joint inspection neih leh a ni.
→ January 15, 2019-ah Chief Minister-in Union Home Minister hmuin a sawipui. Union Home Minister chuan Mizoram sorkar leh AR-te nen meeting neih a rawt a, February 7, 2019 khan New Delhi ah MHA Additional Secretary (Police) kaihhruaiin AR sawn chungchangah ṭhutkhawm a ni a, Mizoram sorkar aiawhin Addl. Secretary, Home a tel. Mizoram Home department Addl. Secretary chuan Mizoram sorkar duh dan a thlen a, AR battalion headquarters chu May 31, 2019 hma ngeia sawn chhuah turin an rél. AR 23 Sector (Khatla) sawn chhuah chungchang chu sawiho leh tura dah a ni.
→ Chief Secretary kaihhruaiin February 26, 2019 leh March 6, 2019-ah meeting neih a ni a; PWD, PHE leh P&E department-te chu an chan ṭheuhte March 2019 chhung ngeia AR hotute hnena hlan tura hriattir a ni.
→ March 6, 2019-ah Chief Secretary hoin joint inspection neih tum a ni a, AR hotute'n rokhawlhna an neih avangin ṭhulh a ni. March 7, 2019-ah Joint Secretary, Home kaihhruaiin line department leh AR-te'n joint inspection an nei.
→ Zokhawsang panna kawng chu BRO/BRTF-in kum eng emaw zat kal taah an siam zo tawh a, kawng resurfacing leh repair chu Mizoram PWD-in an thawk. Kawng chhia siamṭhat ngaite pawh AR hotute ngen angin Mizoram PWD-in Zokhawsang, AR ram chhungah gabion wall leh civil mite'n AR ram kaltlang loa an fehna tur kawng (diversion/by-pass road) Zemabawk Lungbial Veng aṭangin an siamsak.
→ P&E department-in 33kv line, dedicated 2.5 MVA leh 33/11 kv transformer-te Zokhawsang Sub-Station Power Supply hnathawh an zo tawh a, May 13, 2019-ah AR-ah an hlàn tawh. EPIL hian distribution transformer panga an bun a, a vaiin transformer 11 bun niin, power transformer pakhat leh distribution transformer 10 a ni.
→ PHE-in tui litre nuai 2.5 pe thei tur water supply facility siam hna an zo tawh a, March 16, 2012-ah AR hotute hnenah an hlan tawh. Tunah hian Zokhawsanga AR area-ah ni khatah tui litre 70,000 - 90,000 pek ṭhin a ni. AR-te Zokhawsanga an insawn hnua ni tina tui mamawh tur litre nuai 2.5 pe thei turin PHE a inpeih tawh.
→ Land Revenue Settlement (LRS) department-in Zokhawsanga AR ram demarcation leh boundary pillar siam hna March 6 - April 5, 2019 chhungin AR hotute nen GPS hmangin an thawk. LRS Director-in verification report AR hnenah May 8, 2019-ah a thawn tawh a, mahse, tun thlengin AR aṭangin concurrence/signature dawn a la ni lo a, reminder thawn a ni tawh.
→ April 23, 2019 khan Chief Minister-in Zokhawsanga AR hmun tur a tlawh.
→ May 24, 2019-ah Home Addl. Secretary hoin Home department official leh AR hotute'n Zokhawsanga hnathawh mek an enfiah.
→ July 26, 2019-ah Home Secretary hoin AR ram bul hnaia ram neitute nen ramri chungchang sawiho a ni.
→ June 8, 2020-ah Home leh LRS dept. official-te'n AR hotute ngen angin Zokhawsanga AR ram chhunga huan/leipui siamtute koh khawm a ni a, an thlai chin lai an seng zawh veleh an huan/leipui chu AR ram chhung a nih avangin chhunzawm lo turin an hriattir.
→ June 15, 2020-ah Home Secretary kaihhruaiin AR hotute leh EPIL hotute'n Zokhawsanga hnathawh mek an enfiah.
→ June 17, 2020-ah Home Secretary kaihhruaiin meeting neih a ni a, June 15, 2020-a joint inspection neih thlirlet a nih bakah, Zokhawsanga hnathawh mek zawh vat a nih theih nana hmalak dan tur ngaihtuah a ni.
→ August 14, 2020-ah Chief Secretary kaihhruaia ṭhutkhawmah June 17, 2020-a Home Secretary hoa meeting thurel chak zawka hna thawh kalpui dan tur an rêl.
→ November 20, 2020-ah Addl. Chief Secretary kaihhruaiin a kaihhnawih department hotu te, AR hotute leh EPIL hotute'n Zokhawsanga hnathawh mek zawh vat a nih theih nan joint inspection an nei.
→ February 3, 2021 khan Home Secretary kaihhruaiin a kaihhnawih department hotu te, AR hotute leh EPIL hotute'n Zokhawsanga hnathawh mek an enfiah leh.
→ February 19, 2021-ah Chief Secretary kaihhruaia ṭhutkhawmah March 31, 2021 hmaa AR-te Zokhawsanga insawntir turin Union Home Ministry-a thlen an rél.