MHA-in ráltlân thawn lêt turin a ti Thawn lêt lo turin ka ngen - CM
Myanmar buaina avanga hmarchhak state-a ráltlânte chu thawn lêt turin sorkar laipuiin state sorkarte a hriattir. Hetih lai hian, chief minister Zoramthanga chuan, ráltlânte thawn lêt an nih lohna turin Prime Minister hnenah ngenna a thlen thu a sawi.
Vanglaini thu dawn danin, Ministry of Home Affairs (MHA) chuan Myanmar nena inri state - Mizoram, Nagaland, Arunachal Pradesh leh Manipur bakah, ramri vengtu Assam Rifles-te hnenah lehkha thawnin, dan loa Mizorama lutte uluk taka zawng chhuak a, a rang thei ang bera thawn lêt turin a hriattir a ni.
Chief minister Zoramthanga erawh chuan March 20, Inrinnia thuthar thehdarhtute Lungleia a kawmnaah, Myanmar buaina avanga ráltlânte ûm lêt lo tura ngenna Prime Minister hnenah a thlen thu a sawi.
Chief Minister chuan, ráltlânte chungchang bawhzui turin Delhi-ah Lok Sabha MP leh Rajya Sabha MP a tirh thu sawiin, "Keimah ngei pawhin ráltlânte thawn lêt lo tura ngenna Prime Minister hnenah ka thawn a, ka bawhzui zel dawn," a ti.
Myanmar ram chhunga buaina avangin Yangon (Rangoon) khawpui chu rauhsan a ni ṭêp tawh tih sawiin Zoramthanga chuan, "Ṭanpui an ngaih huna kan ṭanpui loh chuan an rilru na hi thawi dam a har tawh hle ang," a ti a; Prime Minister pawh ṭanpui tura a nawr zel tur thu a sawi.
Mizoram sorkar chuan February 27, 2021 khan Myanmar aṭanga Mizorama rawn lutte buaipui dan tur kaihhruaina (standard operating procedure) a siam a, mahse, sorkar laipui aṭanga thu a hmuh avangin SoP chu March 6, 2021 khan hnuhkìr a ni.
Tarlan tawh angin, CM Zoramthanga tirhin Mizoram MP pahnih C Lalrosanga leh K Vanlalvena te chuan Myanmar aṭanga ráltlânte chungchangah March 19, 2021 khan Delhi-ah Union minister of state for Home Nityanand Rai chu a pisaah an hmu. K Vanlalvena'n India vice president Ram Nath Kovind a sawipui tawh bakah, Rajya Sabha inkhawmah a sawi chhuak tawh bawk.
Myanmar aṭanga sahimna zawnga Mizorama lut zat chiah hriat theih a ni lo a, mi 300 chuang fé chu an lut tawh nia thu dawn a ni.
Chief minister Zoramthanga erawh chuan March 20, Inrinnia thuthar thehdarhtute Lungleia a kawmnaah, Myanmar buaina avanga ráltlânte ûm lêt lo tura ngenna Prime Minister hnenah a thlen thu a sawi.
Chief Minister chuan, ráltlânte chungchang bawhzui turin Delhi-ah Lok Sabha MP leh Rajya Sabha MP a tirh thu sawiin, "Keimah ngei pawhin ráltlânte thawn lêt lo tura ngenna Prime Minister hnenah ka thawn a, ka bawhzui zel dawn," a ti.
Myanmar ram chhunga buaina avangin Yangon (Rangoon) khawpui chu rauhsan a ni ṭêp tawh tih sawiin Zoramthanga chuan, "Ṭanpui an ngaih huna kan ṭanpui loh chuan an rilru na hi thawi dam a har tawh hle ang," a ti a; Prime Minister pawh ṭanpui tura a nawr zel tur thu a sawi.
Mizoram sorkar chuan February 27, 2021 khan Myanmar aṭanga Mizorama rawn lutte buaipui dan tur kaihhruaina (standard operating procedure) a siam a, mahse, sorkar laipui aṭanga thu a hmuh avangin SoP chu March 6, 2021 khan hnuhkìr a ni.
Tarlan tawh angin, CM Zoramthanga tirhin Mizoram MP pahnih C Lalrosanga leh K Vanlalvena te chuan Myanmar aṭanga ráltlânte chungchangah March 19, 2021 khan Delhi-ah Union minister of state for Home Nityanand Rai chu a pisaah an hmu. K Vanlalvena'n India vice president Ram Nath Kovind a sawipui tawh bakah, Rajya Sabha inkhawmah a sawi chhuak tawh bawk.
Myanmar aṭanga sahimna zawnga Mizorama lut zat chiah hriat theih a ni lo a, mi 300 chuang fé chu an lut tawh nia thu dawn a ni.