Ramhlun S-in bawlhhlawh khawn dawn Theihtawp kan chhuah dawn - Mayor
Ramhlun South chuan an local council leh ward councillor hmalaknain an veng chhungah bawlhhlawhte inah an khawn chilh dawn. Ramhlun South khawtlang hmalakna tur hawngtu Aizawl mayor Lalrinenga Sailo chuan, bawlhhlawh sawngbawl leh faina lamah theihtawp an chhuah dawn thu a sawi.
Lalrinenga Sailo chuan, AMC sorkarna an siam veleh Solid Waste Management Centre (SWMC), Tuirial chu AMC enkawl turin SIPMIU-in an hlan a ngaih thu a sawi a, "Tuirialah hian ni tin motor 100 chuangin bawlhhlawh paih niin, kum 2011-a population anga siam a ni a, khawpui a ṭhan chak avangin a dâwl zo lo. Kan tlàwm mai chuan kan buai dawn tho a, kan mawhah a tla a, theihtawp kan chhuah dawn," a ti.
Aizawl Mayor chuan, Building Regulation khauh zawka an kenkawh dawn thu sawiin, "In hrem theihna dan tam tak a awm. Thil ti dik lo tute chungah danin ro a rél dawn. Khawpui nawmna tur a nih chuan khauh takin kan kal zel dawn," a ti a; an hmalakna hrang hrangah ṭawiawm turin mipui a ngen.
Bialtu councillor Laltlanzova Khiangte, executive councillor (i/c Solid Waste Mangement) chuan, "Lâk luh kan nih tûk aṭangin Mayor hoin bawlhhlawh sawngbawlna hmun kan tlawh nghal. Solid Waste Management Rules pawhin fai tak tak duh chuan ina bawlhhlawh khawn ṭha a ti. Tui, êng leh kawng kan neihna atana thawktu an awm angin, faina atan hian thawktu an awm ve a ngai," a ti.
Ramhlun South LC chairman K Lalduhawma pawhin thu sawiin, an hmalakna turah sum ngai tur an chhûtin hautak an tih thu a sawi a, "A thawktu turte tan eizawnna tling a ngai ve a, mahse, kan veng faina atan lungrual takin inah bawlhhlawh khawn kan remti a ni," a ti a; faina kawngah theihtawp chhuah zel an tum thu a sawi.
Ramhlun South LC hian inah bawlhhlawh khawn tur leh khawlai phiat fai turin mi panga an ruai dawn a, ni khatah Rs. 380 an hlawh bakah, bawlhhlawh an paihsak apiangte'n vawi khatah Rs. 10 zel an pe ang. An hlawhpui tur ber ni khata Rs. 380 chu LC leh bialtu councillor-te'n an ngaihtuah dawn a ni. Bul ṭan nan bawlhhlawh chu kawngpui àn lo zawnga awmte khawn phawt a ni ang.
Lalrinenga Sailo chuan, AMC sorkarna an siam veleh Solid Waste Management Centre (SWMC), Tuirial chu AMC enkawl turin SIPMIU-in an hlan a ngaih thu a sawi a, "Tuirialah hian ni tin motor 100 chuangin bawlhhlawh paih niin, kum 2011-a population anga siam a ni a, khawpui a ṭhan chak avangin a dâwl zo lo. Kan tlàwm mai chuan kan buai dawn tho a, kan mawhah a tla a, theihtawp kan chhuah dawn," a ti.
Aizawl Mayor chuan, Building Regulation khauh zawka an kenkawh dawn thu sawiin, "In hrem theihna dan tam tak a awm. Thil ti dik lo tute chungah danin ro a rél dawn. Khawpui nawmna tur a nih chuan khauh takin kan kal zel dawn," a ti a; an hmalakna hrang hrangah ṭawiawm turin mipui a ngen.
Bialtu councillor Laltlanzova Khiangte, executive councillor (i/c Solid Waste Mangement) chuan, "Lâk luh kan nih tûk aṭangin Mayor hoin bawlhhlawh sawngbawlna hmun kan tlawh nghal. Solid Waste Management Rules pawhin fai tak tak duh chuan ina bawlhhlawh khawn ṭha a ti. Tui, êng leh kawng kan neihna atana thawktu an awm angin, faina atan hian thawktu an awm ve a ngai," a ti.
Ramhlun South LC chairman K Lalduhawma pawhin thu sawiin, an hmalakna turah sum ngai tur an chhûtin hautak an tih thu a sawi a, "A thawktu turte tan eizawnna tling a ngai ve a, mahse, kan veng faina atan lungrual takin inah bawlhhlawh khawn kan remti a ni," a ti a; faina kawngah theihtawp chhuah zel an tum thu a sawi.
Ramhlun South LC hian inah bawlhhlawh khawn tur leh khawlai phiat fai turin mi panga an ruai dawn a, ni khatah Rs. 380 an hlawh bakah, bawlhhlawh an paihsak apiangte'n vawi khatah Rs. 10 zel an pe ang. An hlawhpui tur ber ni khata Rs. 380 chu LC leh bialtu councillor-te'n an ngaihtuah dawn a ni. Bul ṭan nan bawlhhlawh chu kawngpui àn lo zawnga awmte khawn phawt a ni ang.