Cabinet tihdanglam chungchang Sawi chi a ni lo - Chief Minister
Inrinni khan chief minister leh MNF president Zoramthanga chuan Lungleia Mizo Hnam Rûnah thuthar thehdarhtute a kâwm a; an sorkar term chanvea Cabinet tihdanglam leh tihdanglam loh chu sawi chi a nih loh thu a sawi.
Thuthar thehdarhtute'n Cabinet tihdanglam a nih dawn leh dawn loh an zawhna chhángin CM chuan, "Hei chu Chief Minister thurûk a ni a, thuthar thehdarhtute hmaa lo puan chi a ni lo," a ti.
Serchhip bial by-election-ah an party candidate Vanlalzawma, MNF vice president thlan tlin a niha a dinhmun tur zawhna chhángin Zoramthanga chuan, "Han tling phawt se Cabinet ṭhiante nen party nen pawh kan la ngaihtuah tlang ang chu," a ti a; Vanlalzawma chu a tlin ngei a rin thu a sawi.
CM chuan, Mizoram budget aṭangin kawngpui siam a harsat thu sawiin, "Khawi lai emawa kawng chhe lai tlem tlem siam tih loh chu central-a project siam vek a ni. Lunglei by-pass road siamna tur pawh central-a kan kalpui loh chuan state sum ringawt chuan a daih dawn lo," a ti.
Lunglei by-pass road chu a bul ṭan dawnin ram neitute zangnadawmna fel thei loin a tihbuai thu sawiin CM Zorama chuan, "Central sorkar au hla ber chu, 'Compensation-ah in buai lutuk a, pawisa sanction tih belh a ngai thûl a, a ngaihna a awm lo' tih hi a ni," a ti a; survey tih zawhah by-pass road atan project kalpui a nih tur thu a sawi.
Zoramthanga chuan, Pukpuia Laldenga in hmunah amah hriatrengna siam an duh thu a sawi a, "Art and Culture lamin Delhi-ah project siam se, a ṭha law lawin kan siam ang," a ti.
Thuthar thehdarhtute'n Cabinet tihdanglam a nih dawn leh dawn loh an zawhna chhángin CM chuan, "Hei chu Chief Minister thurûk a ni a, thuthar thehdarhtute hmaa lo puan chi a ni lo," a ti.
Serchhip bial by-election-ah an party candidate Vanlalzawma, MNF vice president thlan tlin a niha a dinhmun tur zawhna chhángin Zoramthanga chuan, "Han tling phawt se Cabinet ṭhiante nen party nen pawh kan la ngaihtuah tlang ang chu," a ti a; Vanlalzawma chu a tlin ngei a rin thu a sawi.
CM chuan, Mizoram budget aṭangin kawngpui siam a harsat thu sawiin, "Khawi lai emawa kawng chhe lai tlem tlem siam tih loh chu central-a project siam vek a ni. Lunglei by-pass road siamna tur pawh central-a kan kalpui loh chuan state sum ringawt chuan a daih dawn lo," a ti.
Lunglei by-pass road chu a bul ṭan dawnin ram neitute zangnadawmna fel thei loin a tihbuai thu sawiin CM Zorama chuan, "Central sorkar au hla ber chu, 'Compensation-ah in buai lutuk a, pawisa sanction tih belh a ngai thûl a, a ngaihna a awm lo' tih hi a ni," a ti a; survey tih zawhah by-pass road atan project kalpui a nih tur thu a sawi.
Zoramthanga chuan, Pukpuia Laldenga in hmunah amah hriatrengna siam an duh thu a sawi a, "Art and Culture lamin Delhi-ah project siam se, a ṭha law lawin kan siam ang," a ti.