Politics ṭha hmanga ram rorelna ṭha Tun din tumte kan ni - ZPM Vice President
ZPM vice president K Sapdanga chuan, an party chuan Mizoramah politics ṭha hmanga ram rorelna ṭha tun din tuma ṭan an lak thu a sawi.
March 20, Inrinnia Tlungvel Venghlun Branch YMA Hall-a an party zawm tharte lawm luhnaah thu sawiin K Sapdanga chuan, "Sorkar ṭha siam tur chuan vote zawn dan aṭanga duhtui a ngai. Vote dil ṭhahnemngaih vanglai pawhin, setana lawm zawnga vote zawn loh hram kan tum. Chu thuthlung leh tih duh dan kalphung zawm tura rawn pên chhuak a, ZPM rawn zawmtute in fakawm tak zet a ni," a ti.
ZPM Vice President chuan, rorel thei tura thawh dan kalphungah Pathian duh dan nia an rin avangin ṭawngṭaia bul ṭanin, ṭawngṭai vêkin hnu an khàr ṭhin thu sawiin, "ZPM campaigner-te chu he kalphung hi zawm ṭheuh turin kan ngen. Neutral-te'n min khawngaih sâwt hlein kan hria," a ti a, ni tin sorkar ṭha tun din duhtu an pun thu a sawi.
Inthlan boruak kalpui thiam loh chu Mizoram politics kal sual dana pawi tak a nih thu sawiin Sapdanga chuan, "Inthlan hi party inelna a ni a, chu inelnaah chuan candidate-te hi symbol mai an ni. Candidate-te inelna emaw ti a, kawng tinrénga candidate-te mawh lâktir vek a, senso zawng zawng candidate tum tura ngaih hi ngaihdan dik lo a ni," a ti.
ZPM Vice President chuan, party hlun hoin an mi leh sate tihphûrna atan 'Fatu hlui (party worker-te) chu a buk bik ve bawk ang chu,' an tih ṭhin thu sawiin, "ZPM hi mipuite'n sorkar siam tura an lo hlangkai a nih chuan fatu hlui a awm lo ang. Mipui hlui a buk ber ang," a ti a; ruaiin a daih loh chuan fatute chuan an nghâk mai tur a nih thu a sawi.
ZPM thuchhuah tarlan danin, ZPM Vice President hian an party-ah mi 96 a lawm lut a ni.
March 20, Inrinnia Tlungvel Venghlun Branch YMA Hall-a an party zawm tharte lawm luhnaah thu sawiin K Sapdanga chuan, "Sorkar ṭha siam tur chuan vote zawn dan aṭanga duhtui a ngai. Vote dil ṭhahnemngaih vanglai pawhin, setana lawm zawnga vote zawn loh hram kan tum. Chu thuthlung leh tih duh dan kalphung zawm tura rawn pên chhuak a, ZPM rawn zawmtute in fakawm tak zet a ni," a ti.
ZPM Vice President chuan, rorel thei tura thawh dan kalphungah Pathian duh dan nia an rin avangin ṭawngṭaia bul ṭanin, ṭawngṭai vêkin hnu an khàr ṭhin thu sawiin, "ZPM campaigner-te chu he kalphung hi zawm ṭheuh turin kan ngen. Neutral-te'n min khawngaih sâwt hlein kan hria," a ti a, ni tin sorkar ṭha tun din duhtu an pun thu a sawi.
Inthlan boruak kalpui thiam loh chu Mizoram politics kal sual dana pawi tak a nih thu sawiin Sapdanga chuan, "Inthlan hi party inelna a ni a, chu inelnaah chuan candidate-te hi symbol mai an ni. Candidate-te inelna emaw ti a, kawng tinrénga candidate-te mawh lâktir vek a, senso zawng zawng candidate tum tura ngaih hi ngaihdan dik lo a ni," a ti.
ZPM Vice President chuan, party hlun hoin an mi leh sate tihphûrna atan 'Fatu hlui (party worker-te) chu a buk bik ve bawk ang chu,' an tih ṭhin thu sawiin, "ZPM hi mipuite'n sorkar siam tura an lo hlangkai a nih chuan fatu hlui a awm lo ang. Mipui hlui a buk ber ang," a ti a; ruaiin a daih loh chuan fatute chuan an nghâk mai tur a nih thu a sawi.
ZPM thuchhuah tarlan danin, ZPM Vice President hian an party-ah mi 96 a lawm lut a ni.