Aizawlah World Poetry Day hman a ni
Mizo Poetry Society (Mipoty) chuan March 20, Inrinni khan MZP Conference Hall-ah World Poetry Day an hmang a, Aizawl mayor Lalrinenga Sailo-in a hmanpui.
World Poetry Day hmanna inkhawm hi an president Prof. RL Thanmawia'n a kaihruai a, secretary H Laldinmawia'n report a pe. Hrangbana College-a assistant professor Lalremruati Ngente-in 'World Poetry Day lo chhuah dan leh a hman dan' tih a sawi a, Aizawl West College assistant professor H Lalawmpuia'n tunlaia poetry ṭhan dan a sawi bawk.
Mayor Lalrinenga Sailo chuan, Mizo ṭhalaite'n hla an chhiar leh chhamte aṭangin thu leh hla lama an nêp lohzia a lang tih sawiin, "Tun aṭanga rei lo tê-ah in poetry hi zirna-inah lâk luh a nih ngei ka ring a, mi tam takin doctorate degree an la hmuh phah ngei ka beisei," a ti a; insúm loa an rilrua awmte puang zel tur leh ṭawng dang pawha letling turin a fuih.
Lalrinenga Sailo hian Mizo Poetry Society-in an poetry-te an dah khawmna lehkhabu, 'Zaikung thar Volume 4' a tlangzarh nghal a; lehkhabuah hian Mizo poetry leh English poetry 200 vel dah a ni.
MIPOTY-ah hian Mizoram chhung leh páwn aṭangin member 145 an awm mek a, Rs. 200 pein member a nih theih.
Kum 1999-a Paris-a UNESCO inkhawmpui chuan March 21-ah World Poetry Day hman ṭhin a rel a ni.
World Poetry Day hmanna inkhawm hi an president Prof. RL Thanmawia'n a kaihruai a, secretary H Laldinmawia'n report a pe. Hrangbana College-a assistant professor Lalremruati Ngente-in 'World Poetry Day lo chhuah dan leh a hman dan' tih a sawi a, Aizawl West College assistant professor H Lalawmpuia'n tunlaia poetry ṭhan dan a sawi bawk.
Mayor Lalrinenga Sailo chuan, Mizo ṭhalaite'n hla an chhiar leh chhamte aṭangin thu leh hla lama an nêp lohzia a lang tih sawiin, "Tun aṭanga rei lo tê-ah in poetry hi zirna-inah lâk luh a nih ngei ka ring a, mi tam takin doctorate degree an la hmuh phah ngei ka beisei," a ti a; insúm loa an rilrua awmte puang zel tur leh ṭawng dang pawha letling turin a fuih.
Lalrinenga Sailo hian Mizo Poetry Society-in an poetry-te an dah khawmna lehkhabu, 'Zaikung thar Volume 4' a tlangzarh nghal a; lehkhabuah hian Mizo poetry leh English poetry 200 vel dah a ni.
MIPOTY-ah hian Mizoram chhung leh páwn aṭangin member 145 an awm mek a, Rs. 200 pein member a nih theih.
Kum 1999-a Paris-a UNESCO inkhawmpui chuan March 21-ah World Poetry Day hman ṭhin a rel a ni.