CM-in Zobawkah lungphùm a phúm
Chief minister Zoramthanga chuan March 19, Zirtawpni khan Lunglei Zobawka State Sports Academy-a Residential Sports School sakna tur lungphùm
a phúm.
CM Zoramthanga chuan, lehkha zirna bakah infiamna lama inzirtirna hmunpui siam tur chu ṭangkai taka chhawr a nih a beisei thu a sawi a, "Sports discipline hrang hranga mi chhuanawm leh entawn tlak tam zawk kan inchher chhuah zel theih ka beisei. State páwn leh ram páwna lang pha ṭhalai an awm hi a lawmawm tak zet a ni," a ti a; pipute infiamna (indigenous games)-te pawh chawi sàn tel zel ṭha a tih thu a sawi.
Residential Sports School hi Sports & Youth Services department kaltlanga Pradhan Mantri Jan Vikas Karyakram (PMJVK) hnuaia cheng nuai 3430.98 hmanga sak tur a ni a, first instalment cheng nuai 1543.94 pek chhuah tawh a ni.
Chief Minister hian Zobawka Lunglei District Park leh Luangmuala truck hûnna hmun te, Lunglei District Court building, Ṭhuamluaia Mual, Circuit House leh Pûkpuia sorkar ramte a tlawh bawk.
a phúm.
CM Zoramthanga chuan, lehkha zirna bakah infiamna lama inzirtirna hmunpui siam tur chu ṭangkai taka chhawr a nih a beisei thu a sawi a, "Sports discipline hrang hranga mi chhuanawm leh entawn tlak tam zawk kan inchher chhuah zel theih ka beisei. State páwn leh ram páwna lang pha ṭhalai an awm hi a lawmawm tak zet a ni," a ti a; pipute infiamna (indigenous games)-te pawh chawi sàn tel zel ṭha a tih thu a sawi.
Residential Sports School hi Sports & Youth Services department kaltlanga Pradhan Mantri Jan Vikas Karyakram (PMJVK) hnuaia cheng nuai 3430.98 hmanga sak tur a ni a, first instalment cheng nuai 1543.94 pek chhuah tawh a ni.
Chief Minister hian Zobawka Lunglei District Park leh Luangmuala truck hûnna hmun te, Lunglei District Court building, Ṭhuamluaia Mual, Circuit House leh Pûkpuia sorkar ramte a tlawh bawk.