Inthlan leh vote chhiar hun sawnah ECI aṭangin thu dawn a la awm lo
Serchhip bial MLA by-election neih hun Seventh Day Adventist-te ni serh Inrinni anih avang leh vote chhiar hun Pathianni a nih avanga, inthlan hun leh vote chhiar hun sawn tura dil chungchangah Election Commission of India (ECI) chuan thu leh hla a la nei lo.
Vanglaini palai zawhna chhangin Mizoram jt. chief electoral officer (CEO) David L Pachuau chuan inthlan hun leh vote chhiar hun sawn tura ngenna hi ECI chuan an hmuh tawh thu sawiin, "Chief Minister chuan direct-in ECI-ah a thawn a, ZPM leh Mizo Conference of Seventh Day Adventist Church chuan keimahni kaltlangin an thawn a ni. ECI aṭangin thudawn kan la nei lo," a ti.
Hriat theih chinah inthlan hun leh vote chhiar hun sawn tura ngenna hi Chief Minister, ZPM, Mizo Conference of Seventh Day Adventist Church leh Serchhip Ṭhalai Pawlte'n ECI hnenah ziakin an thlen.
David L Pachuau chuan Serchhip bial MLA by-election atan an inpeih thawkhat tawh tih sawiin, "Covid-19 avanga inkaihhruaina siamah booth khata vote thlak tur zat bituk a ni a, chumi ang chu zawm a nih theihna atan polling booth pathum siam belh a ni. MLA inthlan hnuhnung berah Serchhip bialah hian polling booth 26 awm chu tun ṭumah hian 29 a awm dawn," a ti.
Jt. CEO chuan venhimna uluk zual ngai bik (sensitive polling station) a awm dawn lo tih sawiin, "Dan angin central military force erawh tlem a zawng chah luh an ni ang. A chhan chu strong room hi police-ten an veng thei lo a, anni hoin an ven a ngai," a ti a, boruak muanawm tak hnuaiah inthlanna kalpui theih a nih an beisei thu a sawi.
Khauh takin election model code of conduct kenkawh a ni dawn tih sawiin David L Pachuau chuan, "Inthlan puan a nih veleh Serchhip DEO chuan election model code of conduct bawhchhiatna veng tur a ruat nghal. Serchhip bial bik chauh vil tur nimah se, Aizawl aṭang pawhin Serchhip bial chhunga hmalakna tur puan phal a ni chuang lo," a ti.
Serchhip bial MLA by-election atan hian January, 2021 a kum 18 tling chin thun luhna electoral roll hman a ni dawn a, roll-ah hian voters mipa 9,102 leh hmeichhia 10,193 an vaiin 19,295 an awm.
Hriat theih chinah inthlan hun leh vote chhiar hun sawn tura ngenna hi Chief Minister, ZPM, Mizo Conference of Seventh Day Adventist Church leh Serchhip Ṭhalai Pawlte'n ECI hnenah ziakin an thlen.
David L Pachuau chuan Serchhip bial MLA by-election atan an inpeih thawkhat tawh tih sawiin, "Covid-19 avanga inkaihhruaina siamah booth khata vote thlak tur zat bituk a ni a, chumi ang chu zawm a nih theihna atan polling booth pathum siam belh a ni. MLA inthlan hnuhnung berah Serchhip bialah hian polling booth 26 awm chu tun ṭumah hian 29 a awm dawn," a ti.
Jt. CEO chuan venhimna uluk zual ngai bik (sensitive polling station) a awm dawn lo tih sawiin, "Dan angin central military force erawh tlem a zawng chah luh an ni ang. A chhan chu strong room hi police-ten an veng thei lo a, anni hoin an ven a ngai," a ti a, boruak muanawm tak hnuaiah inthlanna kalpui theih a nih an beisei thu a sawi.
Khauh takin election model code of conduct kenkawh a ni dawn tih sawiin David L Pachuau chuan, "Inthlan puan a nih veleh Serchhip DEO chuan election model code of conduct bawhchhiatna veng tur a ruat nghal. Serchhip bial bik chauh vil tur nimah se, Aizawl aṭang pawhin Serchhip bial chhunga hmalakna tur puan phal a ni chuang lo," a ti.
Serchhip bial MLA by-election atan hian January, 2021 a kum 18 tling chin thun luhna electoral roll hman a ni dawn a, roll-ah hian voters mipa 9,102 leh hmeichhia 10,193 an vaiin 19,295 an awm.