Chakai farm atan Cheng nuai 54.17 ruahman
Kolasib Dumluia 'Pilot Project on Crab Culture (chakai farm)' ah chakai 700 vel enkawl mek a ni. Chakai farm atan hian cheng nuai 54.17 ruahman niin cheng nuai 16 pek chhuah tawh a ni.
Fisheries department hotute chuan Vanglaini palai zawhna chhangin chakai farm chu Mizoramah a vawi khatna a nih avangin inzir chawp ngai a nih thu an sawi a,"Tunah hian department enpuinain mimal farm pakhatah kan enkawltira, a hlawhtlin dawn leh dawn loh kan la hre thei lo. Mizoram chhunga chakai chi hrang hrang kan lakhawm a, a tlangpuiin aikam hi a ni deuh ber. A species bikin kan thliar lo," an ti.
Tunah hian tuikhuah 40/90 sq. ft.-a zauah chakai no nei tura beisei 700 vel an khawi mek tih sawiin Fisheries dept. hotute chuan, "No an neih beisei a nih avangin chakai dang kan dah belh rih lo," an ti a, chakai khawina tur tuikhuah 70/40 sq. ft. a zau hmun pahnihah an siam belh mek thu an sawi.
Fisheries dept. hotute sawi danin, Ṭamdil leh Lengpuiah Mizoram chhunga lui sangha - lengphar, nghaphusen leh nghahrahte khawipun tumin enchhin mek a ni.
Mizoram lui sanghate dila khawi chi a ni ve em tih enchhinna a ni ber, an nung ṭha ve pangngaia, mahse phai ram dil sanghate ang chuan a lian ve lo, ban rek tiat vel an ni tlangpui. Economy lam ngaihtuahin dila khawi tur atan chuan Mizoram lui sanghate chu a hlawk vak beisei a ni lo.
Fisheries department hotute chuan Vanglaini palai zawhna chhangin chakai farm chu Mizoramah a vawi khatna a nih avangin inzir chawp ngai a nih thu an sawi a,"Tunah hian department enpuinain mimal farm pakhatah kan enkawltira, a hlawhtlin dawn leh dawn loh kan la hre thei lo. Mizoram chhunga chakai chi hrang hrang kan lakhawm a, a tlangpuiin aikam hi a ni deuh ber. A species bikin kan thliar lo," an ti.
Tunah hian tuikhuah 40/90 sq. ft.-a zauah chakai no nei tura beisei 700 vel an khawi mek tih sawiin Fisheries dept. hotute chuan, "No an neih beisei a nih avangin chakai dang kan dah belh rih lo," an ti a, chakai khawina tur tuikhuah 70/40 sq. ft. a zau hmun pahnihah an siam belh mek thu an sawi.
Fisheries dept. hotute sawi danin, Ṭamdil leh Lengpuiah Mizoram chhunga lui sangha - lengphar, nghaphusen leh nghahrahte khawipun tumin enchhin mek a ni.
Mizoram lui sanghate dila khawi chi a ni ve em tih enchhinna a ni ber, an nung ṭha ve pangngaia, mahse phai ram dil sanghate ang chuan a lian ve lo, ban rek tiat vel an ni tlangpui. Economy lam ngaihtuahin dila khawi tur atan chuan Mizoram lui sanghate chu a hlawk vak beisei a ni lo.