World Water Day hman a ni
Ram chhung hmun dang rualin Mizoramah pawh nimin khan hmun hrang hrangah World Water Day hman a ni a, Aizawlah chuan Vanapa Hall-ah PHE changtu dy. chief minister Tawnluia hoa hman a ni. Kumin hian day thupuiah 'Tui ngaihhlut' tih hman a ni.
Tawnluia chuan, ramin hma a sawn ang bawkin a mipuite pawh an pung ve zel tih sawiin, "Sorkarin tuithianghlim a pump na khawlte pawhin mipui duhkhawp a pe zo lo ṭan tawh. Heivang hian tuithianghlim mipuiten hnianghnar zawka an hmuh theih nan theihtawp kan chhuah. PHE-in Tlawnglui a pump na phase I leh II khawl chu a tirah nitin tui liter nuai 170 pump thei ni mah se, khawl a upat deuh tawh avangin ni tin litre nuai 150 vel chauh pump theih a ni. Hei hian Aizawl khawpui mipui mamawh duhthusamin a phuhruk zo tawh lo," a ti.
Dy. CM chuan tuia harsatna sukiang turin Tanhril lamah Tlawnglui pump-na tur khawllian zawk bun mek a nih thu sawiin, "Nakkumah commission theih beisei a ni. Hetihrual hian tuikhur leh tuihna awmsa te chu humhalh a pawimawh," a ti a, chhungtinte chu tui renchem kawngah ṭan la thar tur te, tui hnar ngaihlut thar tur te, tui dahkhawlna leh sawngbawlna leh a pek chhuahna ngaihlu turte leh tui sem chhuaktute ngaihlu thar leh turin a chah.
Central YMA president Vanlalruata pawhin thu sawiin, "Ramngaw leh tuihna humhalhna chang hriat loh avangin tuihna kangchat a tam ta hle a, heivang hian khaw ṭhenkhatah tui inchuh vanga buaina thleng a awm ṭan ta. Hei hian lui leh tuihna humhalh kawngah ṭan lak thar a ṭul hle tih a tichiang. Mi ṭhenkhatin anmahni hamṭhatna duh vangin lui leh tuihna tichhe thei zawnga ramngaw ṭhiat zawngin hma an la a, hei hi a ṭha lo hle. Nakinah a tuartu tur vekte kan la nih avangin a humhalh kawngah ṭan tlan a ṭul," a ti.
Inkhawma telte chuan tui humhalh tura thutiam an chham rual a ni. Tuihna humhalh kawnga hmala ṭha khua te hnenah lawmmawn sem niin, a pumpuiah East Lungdar pakhatna an ni a, Rs. 50,000 leh thuziak an dawng.
Tawnluia chuan, ramin hma a sawn ang bawkin a mipuite pawh an pung ve zel tih sawiin, "Sorkarin tuithianghlim a pump na khawlte pawhin mipui duhkhawp a pe zo lo ṭan tawh. Heivang hian tuithianghlim mipuiten hnianghnar zawka an hmuh theih nan theihtawp kan chhuah. PHE-in Tlawnglui a pump na phase I leh II khawl chu a tirah nitin tui liter nuai 170 pump thei ni mah se, khawl a upat deuh tawh avangin ni tin litre nuai 150 vel chauh pump theih a ni. Hei hian Aizawl khawpui mipui mamawh duhthusamin a phuhruk zo tawh lo," a ti.
Dy. CM chuan tuia harsatna sukiang turin Tanhril lamah Tlawnglui pump-na tur khawllian zawk bun mek a nih thu sawiin, "Nakkumah commission theih beisei a ni. Hetihrual hian tuikhur leh tuihna awmsa te chu humhalh a pawimawh," a ti a, chhungtinte chu tui renchem kawngah ṭan la thar tur te, tui hnar ngaihlut thar tur te, tui dahkhawlna leh sawngbawlna leh a pek chhuahna ngaihlu turte leh tui sem chhuaktute ngaihlu thar leh turin a chah.
Central YMA president Vanlalruata pawhin thu sawiin, "Ramngaw leh tuihna humhalhna chang hriat loh avangin tuihna kangchat a tam ta hle a, heivang hian khaw ṭhenkhatah tui inchuh vanga buaina thleng a awm ṭan ta. Hei hian lui leh tuihna humhalh kawngah ṭan lak thar a ṭul hle tih a tichiang. Mi ṭhenkhatin anmahni hamṭhatna duh vangin lui leh tuihna tichhe thei zawnga ramngaw ṭhiat zawngin hma an la a, hei hi a ṭha lo hle. Nakinah a tuartu tur vekte kan la nih avangin a humhalh kawngah ṭan tlan a ṭul," a ti.
Inkhawma telte chuan tui humhalh tura thutiam an chham rual a ni. Tuihna humhalh kawnga hmala ṭha khua te hnenah lawmmawn sem niin, a pumpuiah East Lungdar pakhatna an ni a, Rs. 50,000 leh thuziak an dawng.