Baptist House

Mizoram Baptist Kohhranin kohhrana thawktu, damlo damdawi-in pante leh a mamawhte tana pan theih tura Salt Lake, Kolkata-a an buatsaih Baptist House chu March 20 khan BCM general secretary Rev. F  Ramdinmawia'n a hawng. Baptist House hi BCM Assembly bawhzuina niin, September 2019 khan building awmsa cheng nuai 390-a leiin, guest house leh thawktute quarter cheiṭhat a ni. Building hi chhawng thum niin, mikhual thlen theihna room paruk (room pangngai 4 leh deluxe room 2) khum 16 awmna a awm a, choka leh dining hall a awm bawk.