Johny LT Mawia'n Mt. Everest láwn chhuak

Johny LT Mawia s/o Zothanmawia, Ramhlun North, Aizawl chuan May 16, 2019 khan khawvela tlang sang ber, Mount Everest a láwn chhuak a, Mizo zinga Mt. Everest láwn chhuak pathumna a ni.Thu dawn danin, John LT Mawia hi National Security Guard commando a ni a, sipai dang pasarihte nen Lt.Col. Jay Prakash Kumar-a kaihhruaina hnuaiah kumin May 16 zing dar 7:05 khan Mt. Everest an láwn chhuak a ni. An team-ah hian mi 12 an awm a, chu'ng zinga mi pasarih chuan Mt. Everest an láwn chhuak tawh a, mi dang pangate chuan naktukah tláng chhîp an thlen beisei a ni.