Hrehawm taka ui enkawl vangin Mi pahnih ui talh khapsak an ni

Lunglei additional DC Benjamin Lalzama chuan, Lungleia ui talh ṭhin mi pahnih chu an ui talh tur hrehawm taka an thlun beh ṭhin avangin ui talh tawh lo turin a hriattir.Thuthar thehdarhtute'n nimina a pisaa an kawmnaah Benjamin Lalzama chuan, vantlang hmuh theih tura ui talh tur, ni sa hnuaiah hrehawm taka thlun khawm a, phuar bet ṭhin an awm tih report a dawng a, heng ui thlalak hi ram páwn thlenga tih darh a ni a, phai lam aṭangin ran thlavang hauhtu pawlin DGP, Lunglei DC leh Lunglei SP hnenah thil awm dan enfiah tura ngenna an rawn thawn a ni.Benjamin Lalzama sawi danin, phai lam aṭanga ngenna an dawn bawhzuiin Lunglei DC chuan SDC finfiah turin a tír a, SDC hian uite chu hrehawm taka thlung betin, hliam an tuar tih a hmu a ni. Hetiang a nih avang hian DC chuan ui talh ṭhin mi pahnih chu talh tawh lo turin a hriattir a ni. DC-in thupek a chhuah hma hian police-te'n ui 20 chuang an chhan chhuak a ni.