Tar pension Tihpun a ni dawn

Mizoram Upa Pawl (MUP) chuan thuchhuah siamin, tun hnaia chief minister Zoramthanga an hmuh ṭumin tar pension tihpun an ngenna chu tihhlawhtling a nih dawn thu a lo hrilh.MUP chuan, Chief Minister hnenah hian kum 80 chung lam hnena tar pension Rs. 550 leh kum 80 hnuai lam Rs. 250 thla tina pek ṭhin tihpun an dil a, tihpun a nih tur thu Chief Minister chuan a lo hrilh avangin an lawm hle tihan thuchhuahah chuan an tarlang.MUP chuan, Zemabâwk MUP rama cheng nuai 900 hû project, ‘Multi Service Centre for Senior Citizens in Mizoram’ sorkar laipuia an thehluh tawh pawh Chief Minister an sawipui tih tarlangin, heng baka thil pawimawh dang an sawipuite pawh ṭha takin a lo dawngsawng a, amah zawkin bul ṭan dân turte a lo kawhhmuh hial avangin Chief Minister lakah an thlamuang hle.