KHAWTHLIR

Rualbanlote Puihna tisang

Mizoram sorkar chuan thuchhuah siamin, pian-phunga rualbanlote tana unemployment allowance leh pension a pek ṭhin chu tihpun a nih thu a tarlang. Rate thar ang chuan, unemployment allowance chu Rs. 250 aṭangin Rs. 650-ah leh pension chu Rs. 250 aṭangin Rs. 350-ah tihpun a ni a; hei hi April 1, 2019-a hman ṭan anga kalpui tur a ni.

Thisen pe

Nimin khan KṬP, Tuikual Branch chuan blood donation camp huaihawtin, Aizawl Civil Hospital tan thisen unit 70 an pe a, a petute mipa 59 leh hmeichhia 11 an ni. KṬP, Serchhip Dinthar Branch pawhin nimin khan Serchhip District Hospital tan thisen unit 10 an pe a, a petute mipa paruk leh hmeichhia pali an ni.

Vote chhiar chhin

Lok Sabha MP inthlanpuia vote tlate chu nak-tukah chhiar a ni dawn a, inbuatsaihna atan nimin khan Champhai DC office-a counting hall-ah vote chhiar chhin a ni. Inthlan nía counting hall hrang hranga vote chhiar leh a kaihhnawiha duty turte hnenah an mawhphurhna leh ṭul dangte hrilh a ni bawk.

Accreditation card

Mizoram sorkarin Ser­chhip district-a accre­dited journalist atana a thlan mi 10 hnenah nimin khan Serchhip IPRO Saitluanga chuan a pisaah press accreditation card a hlan. Accredidation card hi Ser­chhipa thuthar thehdarhtu mi pakua leh Thenzawla thuthar thehdarhtu mi pakhat hnenah pek a ni.

Lawngtlai DC-in khap

Lawngtlai DC Shashanka Ala chuan thupek chhuahin, Mizoram hmun hrang hrangah vawk natna, Porcine Reproductive and Respiratory Syndrome (PRRS) leh Swine Fever a la lêng meka hriat a nih avangin, Lawngtlai district chhungah hmun dang aṭanga vawk lak luh te, an district aṭanga vawk thawn chhuah te, vawk thi paih mai mai te, vawk damlo hralhte leh vawk hrisel lo talhte a khap.