Tun hnaiah Lengpui Airport Vbc. 73 senga cheiṭhat a ni

Mizoram sorkar chuan tun hnaiah Lengpui Airport cheiṭhat hna kawng hrang hrangin a thawk a, airport cheiṭhatna atan hian cheng vaibelchhe 73 sen a ni. Vanglaini-in document a neih aṭanga a lan danin, Lengpui Airport cheiṭhat hna hi phase thumah ṭhen a ni. Phase khat­naah chuan hna chi hrang hrang 13 a awm a, chuta tan chuan cheng vbc. 30.41 hman a ni. Phase hnihnaah hna chi hrang hrang paruk thawhna atan cheng vbc. 19.59 hman a ni. Phase thumnaah chuan thlawh­theihna ṭum hmun runway surface tih chhah leh tih mamte leh thlawhtheihna parking area (Apron) tihzau hna etc. thawh a ni a, hnathawhna atan hian cheng vbc. 23 hman a ni.