COVID-19: Mizoram dinhmun
March 22, Thawhṭanni khan ZMC RT-PCR laboratory-a sample test 46-te a negative vek a, district hrang hrang TrueNAT laboratory-ah sample test a awm lo. Rapid Antigen Test (RAT) hmanga sample test 674 zingah Covid-19 positive pathum an awm thung.RAT hmanga Covid-19 positive hmuhchhuah pathum hi Kolkata leh Guwahati aṭanga lo kal, Lengpui Airport screening point-a hmuhchhuah an ni. An vaiin symptoms an nei lo.
March 22, Thawhṭanni khan Mizoramah sample 720 test a ni a, positive pathum hmuhchhuahte hi 0.42% a ni. Heti hian Mizoramah Covid-19 vei mi 4,451 hmuh chhuah a ni ta a, mipa 3,246 leh hmeichhia 1,205 an ni. Nimin tlai dar 5 thleng khan mi 4,423 (99.37%) an chhuak tawh a, mi 11 (0.24%) thi tawhin, enkawl mek mi 17 (0.38%) an awm. March 22, Thawhṭanni thlenga Mizorama swab sample endik tawh zat chu 2,47,247 a ni a, chu'ng aṭanga Covid-19 positive hmuh tawh zat 4,451 chu 1.80% a ni. Hripui vei hmuh tawh zinga mi 2,125 chu Mizoram chhunga kái chhâwng an ni a, mi 2,326 chu Mizoram páwn aṭanga an rawn luh hnua hmuh chhuah an ni thung. Mizorama Covid-19 vei hmasa ber chu March 24, 2020 khan Guwahati Medical College-ah hmuh chhuah a ni a, chumi hnua hmuh chhuah leh hmasak ber chu June 1, 2020-ah niin, ZMC laboratory-ah hmuh chhuah a ni.
RAT hmanga hmuhchhuah
Aizawl district
Mission Veng : Mipa kum 55 mi, Guwahati aṭanga lo haw, Lengpui Airport screening point-a hmuhchhuah, symptom nei lo.
Zemabawk : Mipa kum 30 mi, Kolkata aṭanga lo kal, Lengpui Airport screening point-a hmuhchhuah, symptom nei lo.
Zotlang : Mipa kum 31 mi, Kolkata aṭanga lo kal, Lengpui Airport screening point-a hmuhchhuah, symptom nei lo.