Sangha tam zawk thar tum turin fuih
Fisheries minister K Lalrinliana chuan nimin khan Champhai khua leh a chhehvela sangha khawitute hmalakna a enfiah a, tam zawka sangha thar chhuah a nih theih nan ṭan la zel turin a fuih.K Lalrinliana chuan sangha dil siam leh thar chhuah kawnga Champhai district chhunga society-te hmalakna chu fakawm a tih thu sawiin, "Hmunhma neih ṭhat ang hua sangha thar chhuah a ni lo erawh hmasawn ngaihna hmabak a nih hriaa ṭanlak nana hman a pawimawh," a ti a, sangha chi siam kawnga Zotlang Fishery Co-operative Society Ltd. te hmachhawp erawh phurawm a tih thu a sawi.Fisheries Minister hian Sihzau/ Zophai hmuna Champhai Zotlang Fishery Co-operative Society Ltd. te enkawl ram hectare 10 a zaua sangha dil leh blue revolution kaltlanga sangha no khawina hatchery siam mek te, Champhai Phaizau Farming Development Co-operative Society Ltd. te sangha dil siama sangha chi siam chhuahna hatchery buatsaih a nih theih dan turte a enfiah nghal.