Sorkarin plastic ûm a khap

GAD chuan May 20, 2019 khan notification tichhuakin, sorkar buatsaih/huaihawt meeting, conference leh punkhawmna zawng zawngah plastic ûm (bottled/packaged drinking water) sem a khap.

Khapna hi May 6, 2019-a Mizoram sorkara secretary-te ṭhukhawm thurel bawhzuina a ni a, Chief Minister pawhin a pawmpui.Sorkar thuchhuah tarlan danin, plastic bottled/packaged drinking water sem a nihin, a chuan tam ṭhin avangin sorkar sum senso a tih tam bakah, plastic waste tam lutukin environment atan pawi a thlen theih avangin, Mizoram sorkar chuan sorkar thil tihna reng rengah packaged drinking water sem a khap a, a aiah tui ûm (water dispenser) leh no (glass) chhawp mai ṭhin tura tih a ni.