Biological Diversity Day hmang

International Day for Biological Diversity Day 2019 chu nimin khan Mamit Chhimveng YMA Hall-ah hman a ni a, principal chief conservator of forest (PCCF) Dr Ch.M Rao chu khuallian a ni.Dr Ch.M Rao chuan, a ṭum khatna atana Mamit district-a International Day for Biological Diversity hman a ni chu lawm­awm a tih thu a sawi a; leilung leh a chhunga awmte chu mi dangte chên ve zelna tlaka siam turin mipui a sáwm.

PCCF chuan, khawvela mihring, thlai hrang hrang leh thil nung dangte chu khairual taka inmamawh tawn vek tura siam an nih thu sawiin, "Thil pakhat kan tichereu a, kan tihrîral bik chuan ṭhangtharte tana chenna tlak ram kan siam thei dawn lo a ni," a ti. Mizoram State Biodiversity Board member secretary Liandawla pawhin thu sawiin, "Kan chenna khawvel hian lum lam a pan zel a, chhuanmang zawnga khawsa tur ni loin, kan tu leh fate tana chenna tlak ram siam tura nasa taka hma kan lak a ngai," a ti a; mihringte leh leilunga cheng zawng zawngte inmamawh tawn dan hriat a ṭul thu a sawi.International Day for Biolo­gical Diversity 2019 thupui chu 'Our biodiversity, our food, our Health' tih a ni a; Day hmannaah hian Mamit khawpuia sorkar department aiawh, tlawmngai pawl hrang hrang aiawhte leh zirlai naupangte an tel a ni.