Beichhua'n a department hmun a tlawh

Minister of state Dr K Beichhua chuan nimin khan Kolasib district chhunga a department chan - Social Welfare, AH & Vety, Excise & Narcotics leh Sericulture department hmunhmáte a tlawh.Dr K Beichhua chuan Kawnpuia Sericulture Muga Seed Farm a tlawh hnuah Seṭhawna Observation Home a tlawh a; Seṭhawna an hmunpui chu after care centre changtlung zawka siam tura ruahmanna kalpui a nih thu sawiin, "Thingsulthliah PISGAH centre-a ruihhlo ngai an enkawl puitlin tawhte'n enkawlna an dawn zuina tur leh vocational training an neihna atana ruahman tum a ni," a ti.

Minister hian Thingdawla CDPO office, Kolasib-a district programme officer (DPO) office leh Sericulture Eri leh Muga Farm-te pawh a tlawh a ni.Kolasib DPO office-a thawkte fuihna thu sawiin K Beichhua chuan, "Mi tinin ram siamṭha turin mawhphurhna kan nei ṭheuh a, Social Welfare department hi naupang, nu pum chhunga an awm aṭanga an tar hnu, thlàn khur an luh thlenga enkawltu department kan ni. Mahni hna thawh ṭheuh Pathian rawngbawlnaa ngaia ṭhahnemngai taka thawh ṭheuh tur a ni," a ti.