Kohhran Hmeichhe rorel inkhawm ṭan a ni

Presbyterian Kohhran Hmei­chhia Rorel Inkhawm vawi 10-na nizan khan Ramhlun Venglai Kohhran biak-inah ṭan a ni a, Pathianni zanah a ṭiak ang.

Rorel inkhawmah hian vawiin­ah nilengin rorel a ni dawn a, zaninah Synod moderator Rev. R Lalchangliana'n Pathian thuchah a sawi ang. Inkhawmpuiah hian Synod executive secretary Rev. B Sangthanga chu speaker a ni a, thupui chu 'Thawh harh a hun' tih a ni.

Moderator hian Kohhran Hmei­chhiate'n hun rei tak an lo buapui tawh, Kristian Chhungkua kum 50-na, golden jubilee a ni a, jubilee lungphun chu vawiina rorel ṭan hmain Synod Moderator-in a hawng ang. Presbyterian Kohhrana Kohhran Hmeichhia hi Zosap missionary Zosaphluii (Zosaphluia nupui) kaihhruaiin kum 1904-ah din a ni a, kum 1970 aṭangin 'Kristian Chhungkaw dinhmun tehna' siam ṭan a ni.