BCM Assembly neih mek a ni

Mizoram Baptist kohhran (Baptist Church of Mizoram) rorelna sang ber, BCM Assembly vawi 124-na chu BCM biak-in, Lunglei Rahsi Vengah neih mek a ni a, naktuk chawhma inkhawmah pastor nemngheh a ni dawn a, zanah a ṭiak ang.

BCM Assembly hi March 4, Nilaini zanah ṭan niin, palai sang chuang an kal a; thupui chu 'Din thar lehna' tih a ni. March 5, Ningani chawhma dar 9:30-ah rorel inkhawm ṭan a ni a, BCM president thar Rev. Dr K Lalrinthanga'n a

kaihruai.

BCM rorelah hian kum 2021-22 chhunga BCM president atan Rev.Dr V Laldingliana thlan a ni a; BCM department hrang hrang aṭanga thu lut leh Area Baptist Council (ABC) aṭanga thu lut 22 ngaihtuah a ni. Thu ngaihtuah zingah BCM Cancer Mission din rawtna te, Falkawna Christian Hospital clinic tihchangtlun rawtna te, State Day of Prayer kum tin hman rawtnate a tel.