AMC budget tur pharh

Aizawl Municipal Corporation (AMC) sorkar thara Board of Councillor (BoC) meeting hmasa ber chu, nimin khan an meeting hall-ah mayor Lalrinenga Sailo kaihhruaiin an ṭhukhawm a, kum 2021-2022 budget tura ruahman cheng vbc. 77.83 pharh a ni.

Meeting-ah hian executive member (Finance) Lalringliana chuan kum 2021-2022 budget tur hi a pharh a, sawifiah ngai laite a sawifiah nghal. BoC meeting hi councillor-te'n budget an zirna atan vawiin an chawl dawn a, naktukah budget sawihoa pass tum a ni ang.
Kum 2021-2022 atana AMC budget estimate cheng vbc. 77.83 hi nikum 2020-2021 budget estimate cheng vbc. 98.87 aiin cheng vbc. 21.04-in a tlem zawk.

A tlem zawk chhan chu 15th Finance Commission Grants hmuh tlem vang leh kum danga grants dang hmuh ṭhin hmuh a nih loh vang a ni.