PÛM 2021: Mizoram Innovation Fair

Labour Employment, Skill Development & Entrepreneurship  (LESDE)  department buatsaih, ni thum awh tur 'PÛM 2021: Mizoram Innovation Fair' chu LESDE secretary Lalram-sanga Sailo in nimin khan Govt. ITI Complex-ah a hawng.

Lalramsanga Sailo chuan Zokhuaa thirdeng kutthemthiam takte hnathawhna hmun pûm hmingchawia thiam-thil nei in show-na ‘Innovation Fair’ buatsaih a ni chu a lawmawm takzet tih sawiin, "STRIVE, World Bank aided project hnuaiah ITI Aizawl thuam ṭhat mek a ni. Employment exchange-te National Career Centre atan sorkar laipuiin leh a tum mek a, formal education aiin vocational education chu chhungkua leh ram tan a chhenfakawm tawh zawk," a ti.

Fair hi ITI-a zirlai zir mekte, zir chhuak tawhte leh kut themthiamna lama tuina nei leh thiam thil neite tana buatsaih a ni a, an thil siam chhuahte chu mipui hmuhah phochhuah a ni. Heng an thilsiam pho chhuahte hmang hian intihsiakna kalpui nghal niin ITI hnuaia trade hrang hrang hmangin inelna kalpui a ni. 

Innovation Fair-ah hian mi 23 telin an zingah hian ITI zirlai pali, zir chhuak tawh panga, Women Polytechnic zirlai pathum awmin a bak zawng chu open-a telte an ni. PÛM 2021: Mizoram Innovation Fair hi Zirtawpni thleng awh tur niin Rs. 1,00,000 thleng dawn theihna tur intihsiakna siam a ni a, consolation prize bakah People’s Choice Award-te siam tel a ni bawk. Vawiin aṭangin mipui tlawh theih tura hawn a ni.