Hnahthialah DRDA pisa hawng

Rural Development minister Lalruatkima'n nimin khan Hnahthial Dis­trict DRDA pisa a hawng. Hei hi Mizorama DRDA pisa 11-na a ni.

Pisa hawnna inkhawm Hnahthial PHE pisa tual­zawla neihah Lalruat­kima chuan thu sawiin, "RD department hi mipuite nena inngheng tlat, hma la tlang reng an nih angin Hnahthial DRDA pisa hnathawkte pawh district mipuite nen thawhhona ṭha tak hnuaia hma an lak tlan ka beisei," a ti a; kawng hrang hranga lo finchhuaha thurawnte lo pe ṭhin turin kalkhawmte a chah.

Hnahthial District DRDA pisa tharah hian APO, AE, AO leh JE telin staff 20 velin bul an ṭan dawn a, Hnahthial DC H Dolianbuaia chuan project director hna a kawp rih dawn. Pisa hi April 1, 2021 aṭangin hawn ṭan tur a ni.