SEDP-ah line dept. a awm lo

Planning & Prog­ramme Implemen­tation department changtu chief minister Zoramthanga chuan, Assembly budget session zawh takah khan ZPM member C Lal­sawivunga zawhna ziaka chhangin, SEDP kalpui turin line department a hranpaa thlan a nih loh thu a tarlang.

Chief Minister tarlan danin, sorkar department zawng zawngte chu SEDP tihlawhtling tura hma la tura tih an ni. SEDP tihhlawhtlinna atan Mizoram sorkarin sum a hmuh theih zawng zawng - CSS, NEC, NESIDS, NABARD, EAP, central tax devolution to states, revenue deficit grant, states own revenue, leh a dangte hman tum a ni. INC member Zodin­tluanga zawhna CM Zo­ramthanga'n ziaka a chhan danin, kum 2019-20 chhung­a SEDP atana sum dah cheng nuai 75,000 aṭangin cheng nuai 58,573.22 pek chhuah a ni tawh a, pek chhuah loh cheng nuai 9,907.23 a la awm.