APBY vice chairman atan Mizo thlan tlin a ni

Asian Pacific Baptist Youth Conference 2019 chu May 21-24, 2019 chhung khan Baguio City, Philippine Baptist Theological Seminary-ah neih a ni a, Mizoram aṭang pawhin MṬKP aiawh mi 12 leh BCM Choir an kal. Inkhawmpuiah hian thupui chu 'Making & multiplying disciples' (II Tim. 2:2) tih a ni.

Kum 2019-2022 chhunga hruaitu thlan chhuah zingah Jacob Vanlalṭana Khiangte, Lunglei Sethlun a tel a, Asian Pacific Baptist Youth vice chairman atan thlan a ni a, Mizo zinga APBY vice chairman hmasa ber a ni. APBY-ah hian ram 22 an tel a, ram 22-ah hian Baptist kohhran 60, biak-in 30,000 leh member nuai 500 vel an awm mek.