Ngaizel kham aṭangin lung a tlâk belh

Tun hnaia Ngaizel khâma lung tlain kawngpui a hnawh pin chu lirthei tlân tlang theiha thenfai a nih hnuah, May 25, Inrinni chawhnu dar 2 vel khan lung a tla leh a, scooter pakhat a delh a, thi leh hliam an awm lo.

Lung tlakna hmun hi Inrinni khan Aizawl DC hoin Geology & Mineral Resources department leh Disaster Management & Rehabilitation department hotu­te'n an en a, lung tla leh mai thei a awm avangin, Ngaizel kaltlang turte chu fimkhur tura hriattir an ni. Mipui him zawk nan Aizawl Bawrhsap chuan Ngaizel kawng chu zan dar 8 aṭanga zing dar 5 inkar khâr rih a nih tur thu a puang. 

Hetihlai hian PWD-in kawng thenfai hna an thawh dawn avangin vawiin zing dar 9:30 aṭangin Ngaizel kawng hi khar a ni dawn.