KHAWTHLIR

Mizo moral reform Lehkhabu tlangzarh
Rev. K. Lungmuana lehkhabu ziah, 'Hei le  Mizo Moral Reform chu' tih chu May 25, Inrinni khan Mizoram Synod moderator Rev. R Lalhmingthanga'n ZONET Cable TV Studio-ah a tlangzarh. Lehkhabu hi Rs. 250 man a ni a, lehkhabu dawr hrang hrangah lei theih a ni. A ziaktu Synod moderator hlui Rev. K Lungmuana hi Mizo Moral Reformation International dintu a ni a, Mizoram hmun hrang hrangah moral reform seminar/workshop an buatsaih ṭhin.

Thisen pe
Inrinni khan Luangmual Bial ṬKP-in Aizawl Civil Hospital tan thisen unit 92 an pe a, petute mipa 75 leh hmeichhia 17 an ni. Dinthar Branch KṬP-in Synod Hospital tan thisen unit 46 pein, petute mipa 43 leh hmeichhia pathum an ni a; Bethlehem Bial PYD member mipa 19 leh hmeichhia palite'n MIMER-ah unit 23 an pe. Hnahthiala MNF ṭhalaite'n Lunglei Civil Hospital tan unit 71 an pe a, petute mipa 62 leh hmeichhia pakua an ni. BCM Lawngtlai East biala ṬKP Nazareth unit leh Zion unit-te'n Lawngtlai District Hospital tan unit 30 pein, petute mipa 26 leh hmeichhia pali an ni a; St. John's NCC, Kolasib member mipa pali leh hmeichhia pathumte'n Kolasib District Hospital-ah unit sarih an pe bawk. 

Fire awareness & mock drill
Republic Higher Secondary School, Aizawlah May 24, 2019 khanFire Awareness leh Mock Drill buatsaih a ni a, Fire & Emergency Services inspector Lalremmawia leh FES mite leh, Aizawl District Disaster Management Committee hotute'n an hmanpui. Sikul 10 aṭangin zirlai ṭhahnem tak an tel a ni.

Pavalai Meet
Mizoram Synod chuan May 24, Zirtawpni zan aṭang khan Chanmari West Presbyterian Kohhran biak-inah Mizoram pum huap Kohhran Pavalai Pawl (KPP) Meet vawi 4-na an buatsaih a, Mizoram hmun hrang hrang aṭangin palai ṭhahnem tak an tel. Meet thupui chu ‘Chhungkaw rêl fel’ tih a ni a, Synod moderator Rev. R Lalhmingthanga leh mi hrang hrangin an sawi. Meet-ah hian Aizawl páwn aṭangin mi 2,200 vel an kal a, Chanmari West Kohhran huam chhunga riak lut mi 1,866 an awm a ni.