SBM Model Village atan Saizawh East khua thlan a ni

Sorkar laipuiin ram pum huapa faina beihpui thlak nana Swachh Bharat Mission a kalpui mekah, district tina thingtlang khaw pakhat, faina lama khaw dangte entawn atana hmalak bingna tur thlan chhuah tur a tih angin, Lawngtlai district-ah chuan Lawngtlai 
aṭanga km. 50 vela hlá, Saizawh East khua chu SBM Model Village atan thlan a ni.

Lawngtlai District Swachh Bharat Mission (Gramin) hi PHE depart­ment-in an kalpui a, model village-a thlan Saizawh East-ah hian tun hnai khan faina lama hmalakna tur leh model village-a thlan an nih chhante mipui an hrilhfiah. PHE executive engi­neer Laltlanchhunga chuan, faina lama beihpui thlak chu Lawngtlai district chhungah uar taka kalpui mek a nih thu sawiin, "Khaw dangte'n an entawn thama hmalakna nasa zawka kalpui turin Saizawh East khua hi thlan a ni. Khawtlang hruaitute leh mipui lamin theihtawp chhuaha hma an lak loh chuan model village thlan hian awmzia a nei dawn lo," a ti.

Khawtlang hruaitute chuan, sorkarin faina lama beihpui thlak nana an khua an thlang chu lawmawm an tih thu leh theihtawp chhuaha hmalak an inpeih reng thu PHE hotute an hrilh. Saizawh East khua hi in 140 vel awmna a ni.