National Science Day lawm

Nimin khan  Mizoram Science, Technology & Inno­vation Council (MIS­TIC) chuan  ATI auditorium-ah National Science Day lawmna an buatsaih a, Planning secretary Dr C Van­lalramsanga'n a hman pui.

Dr C Vanlalramsanga chuan MISTIC-in National Science Day denchhena science lama Ph.D degree nei Mizo hmeichhe 86 hnena chawimawina an hlan chu lawmawm a tih thu a sawi a,"Mizo hmeichhiate khawvel huap pawhin an duai lo hle, an thiamna leh theihnate Mizoram hmasawnna atan hmang ṭangkai turin ngaituahna sengin tih tak zetin hma la ang che u," a ti.

National Science Day lawmna hi chief scientific officer Dr RK Lallianthanga'n kaihruaiin, National Science Day pual essay inziahsiakna lawmman  sem nghal a ni. Kumin National Science Day-ah hian thupui chu ‘Women in Science’ tih a ni.

National Science Day hi February 28, 1987 aṭangin  India ram pumah lawm ṭhin niin India mi physics a Nobel Prize la hmasa ber Dr CV Raman'n February 28, 1928 a 'Raman Effect' a hmuhchhuah ni hriatrengna a ni.