Vakiria-in chawimawina an dawng

Union Finance minister Nirmala Sitharaman chuan February 27, Ningani khan Guwahati-ah hmarchhaka entrepreneurship lama hlawhtlingte hnenah chawimawina a hlan a, Mizoram aṭangin Vakiria-in chawimawina hi an dawng ve.

State Bank of India (SBI) hotute hnen aṭanga Vanglaini thudawn danin, Union Finance Minister hian hmarchhak a rawn tlawh tur denchhenin hmarchhak state hrang hranga SBI hotute kokhawmin, an state-a entrepreneurship lama hlawhtling chawimawina dawng tlakte thlang chhuak turin a hriattir a ni.

Mizorama SBI hotute chuan Vakiria hi lawmman dawng turin an chhawp chhuak a; Vakiria neitute hian February 27 tlai khan  Nirmala Sitharaman hnen aṭangin chawimawina hi an dawng a ni.