CRPF-te hnathawh hawng

CRPF-te'n civic action programme hnuaia Zemabawk khawtlang tana thil an tihsak hrang hrangte chu nimin zing khan Aizawl Municipal Corporation (AMC) deputy mayor Lalringliana’n a hawng.

Lalringliana chuan, CRPF-ten civic action programmme hnuaia khawtlang tana an thil tihte chu chhuanawm a tih thu sawiin, "A enkawl leh vawn fai zelnaah a hmangtu mipuite'n mawhphurhna an nei a ni," a ti a; bawlhhlawh paih dana AMC hmalakna chu mipuite'n zâwm hram hram zel se a duh thu a sawi.

225 Bn CRPF commandant Henzang Vaiphei chuan, Mizoramah CRPF batallion pakhat chauh an awm thu sawiin, "Civic action programme kan neih theih chhan hi central lam aṭanga pawisa tlemtê kan hmuh aṭangin a ni a, a ṭangkai thei ang bera khawtlang tan hman ṭhin a ni," a ti.

AMC Deputy Mayor-in a hawn tâkte chu - Zemabawk Middle School tana siam tuizem te, kum upate inpàwl khawmna hall chei tharte leh Zemabawka mipa leh hmeichhe zun-inte a ni. Mizorama CRPF battalion awmchhun 225Bn hian Aizawl hmun hrang hrang bakah Tlabung leh Tuirial Hydel project venhim hna an thawk mek a ni.