COVID-19: Mizoram dinhmun

March 24, Nilaini khan ZMC RT-PCR laboratory-a sample test zingah Covid-19 positive hmuhchhuah a awm lo a, Rapid Antigen Test (RAT) hmanga sample test zingah Covid-19 positive pahnih hmuhchhuah a ni. Hetihlai hian district hrang hrang TrueNAT laboratory-ah sample test a awm lo. 

RAT hmanga Covid-19 positive hmuhchhuah pahnih hi mipa kum 29 leh hmeichhia kum 23 a upa an ni a, symptoms an nei lo. 

March 24, Nilaini khan Mizoramah RAT hmangin sample 416 leh ZMC laboratory-ah sample 16, a vaiin sample 432 endik a ni a, positive pahnih hmuhchhuah hi 0.46% a ni. 

Nimin tlai dar 5 thleng khan Mizoramah Covid-19 vei mi 4,454 hmuh chhuah a ni ta a, mipa 3,247 leh hmeichhia 1,207 an ni. Covid-19 positive mi 4,425 (99.34%) an chhuak tawh a, mi 11 (0.24%) thi tawhin, enkawl mek mi 18 (0.40%) an awm.

Mizorama Covid-19 vei hmasa ber chu March 24, 2020 khan Guwahati Medical College-ah hmuh chhuah a ni a, chumi hnua hmuh chhuah leh hmasak ber chu June 1, 2020-ah niin, ZMC laboratory-ah hmuh chhuah a ni. 

RAT Positive
Aizawl District
Lengpui Airport: Mipa kum 29-a upa, Punjab aṭanga lo kal, Lengpui Airport screening point-a hmuhchhuah, symptom nei lo.
Muanna Veng: Hmeichhia kum 23-a upa, Bawngkawn Kiosk a hmuhchhuah, symptom nei lo, hri a kaina chhui mek.