Kum 20 chuang hnuah Tuikawiah Lirthei a lut leh thei - Zodintluanga

Thorang bialtu MLA Zodintluanga chuan nimin khan a bial chhung Tuikawi khua-ah kum 20 chuang motor a luh tawh loh hnuah a lut leh thei niin a sawi.
Zodintluanga sawi danin, tun hma-a MST Bus service ṭhinna khawpui Tuikawi khua-ah kum 20 chuang zet motor a luh theih loh hnuah vawiin (nimin) ah motor a lut leh thei nia sawiin, "MNF hunah lei chhia an siamṭhat loh avanga kum 20 chhung zet lirthei lut thei tawh lo Tuikawi khua-a lirthei lut leh tur hian Congress sorkar kalta khan hma a la nasa hle a ni," a ti.
Zodintluanga chuan P Lalbiaka Congress minister a nih lai khan Tuikawi khua-ah hian MST Bus a service daih tawh tih sawiin, "Electric eng pawh a awm tawh. Vanduaithlak takin Cong­ress sorkar chu a tla a, MNF sorkar hunlaiin Tuikawi MST bus kawng lei chhiate siamṭhat ni ta loin kum 20 chuang zet motor a lut thei ta lo a ni," a ti a, electric eng pawh tihtawp a nih thu a sawi.